يـــــــــمــــه تراه اللي ذبحني بوده
يــمــه تراه اللي خذاني عن الناس
من يوم شفته ماتحملت صده
حتى معاليقي من الــحـــــب يباس
يــــمــــــه دخيلك لاتصيرين ضده
من دونه الدنيا متاهات وافلاس
يــــمـــــه أحبه حب مافيه قده
وفي غيبته اسرح مع كل هوجاس
يسريبي الهاجوس يمه وأرده
ويطول ليلي بين الافكار محتاس
يــــمـــه من أسبابه جفيت المخده
ابي المنام ولكن القلب حساس
يـــمـــه قصيده شفت فيه الموده
شاعر ويجذبني معه مرهف إحساس
في ذمتي ماأرد قلبي وألده
يـمــه ترى ماهوب من ذيك الاجناس
تكفين يـمــه لاتصيرين ضده
أنا بحبه جزت عن باقي النااااااس
وهذا رد أمها
7
7
7
يابنت شعرك حدني في مرده
والحب يفرض للمحبين وسواس
أنا كتبت الشعر لجلك وأعده
مادام حبك والغلا ماله قياس
الحب بحر يشبه أمواج جده
ولايغوص البحر ياكود غطاس
حبل الهوى كلن بطبعه يشده
والنفس حذاري حدر الاقدام تنداس
هذا وربي يسعدك فالموده
آمــــيــن يامــولاي ياخالق الناس
لكم أرق التحاياااااااا
الأربعاء يوليو 11, 2007 10:23 am
