آآه ياقلب (ن) مـن الهـم مطـروح
ماله جـدى ياكـود يصفـق يدينـه
يسهر مع النجمات من غير مصلوح
ويعيد ذكرى الحـب بـأول سنينـه
ويرسم ملامح صورة الحب بوضوح
وقلبه علـى ذكـراه تزايـد ونينـه
قالو الين الحيـن تذكـره بالـروح
قلت اشهد إن الروح في سجن عينه
قالو سجين الروح لايمكـن يـروح
قلت اشهد إنـه راح وانـا سجينـه
اقفى وقفى واصبح الدمـع ملمـوح
ودموع عيني فـي هواهـا رهينـه
كل من سألني اليوم وشفيك مجروح
اجاملـه واقـول جملـه رزيـنـه
ولاقفيت كن الروح مني تبي تـروح
وتخنقنـي العبـره واقـول ويـنـه
عاشرت بالدنيا زيـن (ن) ومملـوح
لكـن غـلا ملحـي منهـو بزينـه
والله لاجيب الدرس واكتبه مشروح
لاصرت انا الاستاذ برجّـع حنينـه
واليوم ابرحل ولي وده يبي يـروح
لابـد مايرجـع وروحـه حزينـه
ولي يبي يعرف هوى الحب بصروح
يبعد هـوى حبـه ويعّرفـه حينـه
الخميس يوليو 12, 2007 8:39 pm
